Parlemantera Malagasy sy Sinoa: hivelatra ny fiaraha-miasan’ ny roa tonta

Nitsidika ny Antenimieran­doholona malagasy, eny Ano­sy, ireo delegasionina Sinoa, ahitana parlemanta avy amin’ny « Assemblée populaire de Chine », omaly. Fitsidihina tafiditra ao anatin’ny fivahinianany eto Madagasikara. An­koatra ny fitsidihina ny La­pan’ny Antenimierando­holo­na, nisy ihany koa ny tafatafa teo amin’ny tomponandraikitry ny Antenimierandoholona ma­l­a­gasy sy ireo Parlemanta Sinoa ireto. Tao anatin’izany no namelabelarana ny fomba fiasan’ny Antenimierando­holo­na sy ny lanjan’izany Andrimpanjakana izany eto an-toerana.
Ao anatin’ny fitsidihina an’i Madagasikara, ireo delegasionina Sinoa, tarihin’i Zhong Shan, mpikambana eo anivon’ny vaomiera maharitry ny « Assemblée populaire de Chine », amin’izao. Mariky ny fanamafisana ny fiaraha-miasan’ny vondrom-pinamanan’ny parlemantera malagasy sy Sinoa, indrindra ho fifampizarana traikefa eo amin’ny Antenimiera roa tonta izao fitsidihina izao. Tanjona ny hampitombo sy hampivelatra ny fiaraha-miasan’ny roa tonta, indrindra ny fanamafisana ny diplomasia parlemantera. Hitohy, anio, izany fitsidihina izany ary eny amin’ny lapan’ny Antenimierampirenena indray ireto vahiny ireto no hanatanteraka izany fitsidihina ataony izany.

Lin