Lavon’ny balan’ny zandary raha nikasa hitsoaka tao Berenty/Betsileo, distrikan’Ankazoabo, omaly, nandritra ny fifanenjehana, ny dahalo raindahiny fantatra amin’ny anarana hoe i Mahatasoa. Nisy trangana fanafihana tao amin’ny fokontany Berenty II, kaominina Berenty Ankazoabo, ny 6 oktobra 2024 teo. Lasan’ireo olon-dratsy tamin’izany ny vola 1 hetsy Ar sy tsaramaso 100 kapoaka ary akoho amam-borona. Nanao ny fanarahan-dia ny zandary ka tratra tamin’izany i Mahatasoa niaraka tamin’ny poketra nisy vola sy ny tsaramaso ary ny akoho amam-borona nangalariny. Taorian’ny famotorana, nentin’ny zandary mba hanondro ny toerana nanafenany ireo entana halatra izy, omaly. Nirifatra nitsoaka avy hatrany izy ka notifirin’ny zandary. Voalazan’ny zandary fa maro ireo olona efa nitondra faisana tamin’ity dahalo ity.
J.C
French