Tontosa, omaly, teny amin’ny Tranombokim-pirenena Anosy, ny “Tontolo Toly”, velakevitra nokarakarain’ny Faribolana Sandratra, niresahana mahakasika an’i Toly, Malagasy mpanoratra. Tonga nanotrona sy nandray anjara tamin’izany ireo mpanakanto maro avy amin’ny Faribolana Sandratra. Teo ihany koa ireo mpianatra sy tanora misehatra eo amin’ny tontolon’ny haisoratra.
Ambohi-pihaonan’ny fianakaviamben’ny haisoratra malagasy ny teny amin’ny Tranombokim-pirenena Anosy, omaly. Ny momba ny fiainany amin’ny ankapobeny sy ny fisainany amin’ny maha mpamorona eo amin’ny tontolon’ny zavakanto an’i Toly no noresahina nandritra ny “Tontolo Toly”. Mpamoron-kira manana ny maha izy azy izy, satria maro ireo mpihira sangany nihira ny asa sorany. Anisan’izany i Bessa, Bodo, Rija Ramanantoanina, sns.
Tonga nijoro vavolombelona, nanasongadina ny maha andrarezina an’i Toly, ireo mpanakanto niara-niasa taminy. Anisan’izany Ifanihy, mpihira, sy i Tovo Andrianandraina, izay anisan’ny andrarezina eo amin’ny sehatry ny famoronana.
Lin
French