Noraisim-potsiny! Tratra teo am-panangonan’entana ireo jiolahy namaky tranon’olona tao Soamanandray, kaominina ambanivohitr’Anosiala, distrikan’Ambohidratrimo, ny sabotsy vao maraina. Tsy tao an-trano ny tompon-trano ka niditra antsokosoko ireto olon-dratsy. Efa-dahy ry zalahy no mpiaraka manao asa ratsy toy izao. Roa lahy nibata avy ao an-trano raha mandray izany eo an-tokotany kosa ny roa lahy hafa. Efa tafavoakan’izy ireo teny ivelan’ny trano avokoa, araka izany, ny ampahany amin’ireo entana tao an-trano. Nisy nahatsikaritra anefa ny fihetsika nataon’ireo olon-dratsy ka niantso zandary haingana izy ireo. Fotoana fohy taorian’izay, tonga teny an-toerana ny zandary, voahodidina ny trano novakian’izy ireo ary tsy afa-nihetsika intsony ry zalahy. Nentina nihazo ny biraon’ny zandary izy ireo niaraka tamin’ny entana. Niaiky ny heloka vitany ireto olon-dratsy ireto nandritra ny famotorana nataon’ny zandary.
J.C
French