Vehivavy iray anatin’ny tambajotra misandoka ho mpandefa mpiasa any Canada, naiditra am-ponja ny 18 oktobra lasa teo. “Tao amin’ny tambajotran-tserasera facebook no nahalalako io rangahy io, ny 17 desambra 2023”, hoy ny fanazavan’ny renim-pianakaviana iray lasibatra. Resy lahatra tamin’ny fampanantenana nomena azy io ramatoa io fa afaka hiasa any ivelany izy sy ny fianakaviany. Nanome lelavola 3 tapitrisa Ar isanisany, araka izany, ity ramatoa ity sy ny vady aman-janany niampy ny havany akaiky. “Miisa fito izahay no lasibatr’io mpisoloky io”, hoy izy. Niandry ny fotoana voalaza sy ny tohin’ny fifanarahana, tsy nahita vokany io ramatoa io sy ny vady aman-janany. Nametraka fitoriana teny anivon’ny mpitandro filaminana, voamarina fa lehilahy efa karohin’ny fanjakana malagasy folo taona lasa ity nisoloky azy ireo ity. Tetsy ankilany, nitoroka ny mpiara-miasa tamin’io lehilahy io ny olona voasoloky hafa. Vehivavy miisa telo voasaringotra ka niakatra fampanoavana ny raharaha. Nidoboka am-ponja ny iray. Hatreto, tsy hita popoka ilay lehilahy voalaza ho tompon’ny orinasa manao ity fisolokiana ity
Tsiferana R.
French