Tonga nametraka taratasy fitoriana tao amin’ny tobim-paritra Marerano ny sefo fokontany ao Marerano, ny faran’ny volana oktobra 2024 teo manenjika ben’ny Tanàna Marerano. Voalaza ao anatin’ny fitoriana fa nisandoka ny asan’ ny sefo fokontany ilay olom-boafidy ka nangalatra ny soniany sy ny fitombokasen’ny fokontany izay nanamboarana taratasy fanamarinam-ponenana hosoka. Taratasy entina hikarakarana ny antontan-taratasy firotsahan-kofidiana ho ben’ ny Tanàna Marerano. Nandray fepetra avy hatrany ny kaomandin’ny tobim-paritra Marerano ka niantso ny filohan’ny CED mba hanamarinana izany. Vokany, nandefa io fanamarinam-ponenana io ny filohan’ny CED, nanamarinana ny fisian’ ny hosoka sy ny halatra sonia. Niroso tamin’ny fanamarinana ilay taratasy fanamarinam-ponenana, hita fa feno hosoka tokoa satria halatra ilay sonia. Tsy mitovy rahateo ilay anarana voasoratra ao amin’io taratasy io. Manoloana ity raharaha ity sady efa akaiky rahateo ny fotoam-pifidianana, misy ny fepetra noraisin’ny tomponandraiki-panjakana ao an-toerana mba hisorohana korontana sy disadisa.
J.C
French