Voafidy ho filoha faha-47 an’i Etazonia ny kandida repoblikanina, Donald Trump. Tsy ampiova ny fifandraisana misy amin’i Madagasikara sy Etazonia izany. “Azo atokisana fa tsy hisy ny fiovana eo amin’ny fifandraisan’ny tany roa tonta”, hoy ny ambasadaoron’i Etazonia eto Madagasikara, Claire Annette Pierangelo, teny Ivandry, omaly. Nisy ny fanazavana ny fizotran’ny fifidianana filohan’i Etazonia nataony. Mivoatra hatrany ny fifandraisana. Samy miombon-kevitra amin’ny politikam-pifandraisana amin’i Madagasikara na ny demokraty na ny repoblikanina. ”Tsy rafitra politika ihany ny demokrasia, fa fampiainana ny soatoavina ijoroana ary finiavana hiantoka ny fihainoana ny feon’ny tsirairay. Omen-danja ny tsirairay ary manana ny heviny ny vatony”, hoy hatrany izy.
Misy dingana vitsivitsy eo anelanelan’izay fe-potoana hivoahan’ny valim-pifidianana izay sy ny fametrahana amin’ny fomba ofisialy ny filohan’i Etazonia amin’ny 20 janoary 2025.
R. Nd.
French