Mpamilin’ilay taxi-be 194 teo aloha ihany no tompon’antoka tamin’ny fangalarana ny fiara tao Ankadikely Ilafy, ny 6 novambra teo. Napetraky ny tompony tao amin’ny toerana fametrahana azy, tao Antanety, io fiara io. Tsy hita popoka anefa ilay taxi-be. Nametraka fitoriana teny anivon’ny zandarimaria ny lasibatra. Nokarohina ny nahavanon-doza. Tratra tao Ankazondandy ny lehilahy iray. Tsy olon-kafa, efa mpamilin’ilay fiara teo aloha izy saingy voaroaka. Niaiky heloka ho naka antsokosoko ny fiara tao Ankadikely ity farany. Natorony ny mpitandro filaminana ny nanafenany io taxi-be io. Notanana atao famotorana ity mpamily ity. Naverina amin’ny tompony ny fiara.
Tsiferana R.
French