Tselatra

Raim-pianakaviana iray nanadio lava-drano no maty tototry ny biriky tetsy Alakamisy-Anosiala, omaly. Tsy nanampo na inona na inona, nidina tao anatin’io lava-drano io ity lehilahy ity. Tampoka, nilatsahan’ny biriky avy any ambony izy. Nisy nilaza fa nihotsaka ny vavan’ny lavaka ka nianjera taminy. Ny hafa nitantara fa, nampidina biriky tamin’ny tady ny mpiara-miasa taminy no tapaka tampoka. Vokany, namoy ny ainy ity raim-pianakaviana ity.