Voasambotry ny zandary avy ao amin’ny zana-tobim-paritr’Ibity, omaly, ny mpianaka malaza ratsy amin’ny fanaovana trafikana zava-mahadomelina. Nahazo loharanom-baovao momba ny fisian’ity jiolahy ity ny zandary ka nidina haingana teny an-toerana. Teo am-pambolena rongony mihitsy no tratra izy mianaka ireto. Nitohy ihany ny fisavana nataon’ ny zandary ka basilava iray vita tanana niaraka tamin’ny bala efatra no hita tao an-tranony. Tao anatin’ny fanadihadiana no nilazan’izy ireo fa mpamboly rongony no asan’izy ireo saingy izao kosa vao tratran’ny zandary. Rongony 100 fototra mahery no hitan’ny zandary tao an-tanimbolin’izy mianaka ireto. Niroso tamin’ny fanongotana izany ny zandary. Nogiazan’ny zandary ilay fitaovam-piadiana hita tao an-tranon’izy ireo.
J.C
French