Nankatoavin’ny filankevitry ny minisitra teny Iavoloha, afakomaly, ny firotsahan’i Madagasikara hofidina ho filohan’ny Vovonana parlemantera eo anivon’ny Sadc, taona 2024-2026, amin’ny desambra any Zambie. Manome sehatra ifanakalozan’ny parlemantera eo anivon’ny faritra io vovonana io. Tanjona ny hanamafisana ny fiaraha-
miasa eo amin’ireo mpanao lalàna, eo anivon’ny vondrona.
Nihaona tamin’ny papa Fransoa tany Vatican, Roma, afakomaly, ny filohan’ny Fivondronamben’ny eveka eto Madagasikara sady evekan’i Morondava, ny Mgr Ralamboniaina Fabien. Nifampizarana ny fiainan’ny fiangonana sy ny firenena ankapobeny. Nambaran’ny papa Fransoa fa tokony ho akaiky ny vahoaka mandrakariva ny fiangonana, hihaino sy hisolo vava azy.
Volavolan-dalàna miisa enina no nankatoavina teny amin’ny Lapan’ny Antenimierandoholona Anosikely, omaly. Tao anatin’ny fivoriana azon’ny besinimaro atrehina no nanaovana izany. Volavolan-dalàna manome alalana ny hanaovana sonia findramam-bola ireto nankatoavina ireto.Tetikasa natao hiatrehana ny fiovaovan’ny toetr’andro no hampiasana ireto vola ireto.
French