Niakatra fampanoavana omaly, telo lahy niara-notanana am-ponja tao Mandritsara. Namono ny sakazainy ny lehilahy iray tamin’ireo telo lahy. Voasaringotra noho ny halatra omby kosa ny roa. Nitrangana vono olona nahatsiravina tao amin’ ny fokontany Ambohimandroso, ny 7 novambra lasa teo. Simba tanteraka ny vatan’ilay vehivavy izay nanamparan’io sakaizany io habibiana. Niroso tamin’ny fanadihadiana ny mpitandro filaminana miasa ao amin’ny kaomisaria Mandritsara. Nifanindry an-dalana tamin’ny fikarohana ny nahavanon-doza, lehilahy iray voasaringotra tamin’ny halatra omby tra-tehaky ny polisy tao Ambalanantsotry, ny 27 novambra. Nentina natao famotorana, nitoroka ny namany roa lahy io lehilahy io. Tsy nampoizin’ny mpanao famotorana, sarona tao amin’ny iray amin’izy telo lahy ny finday sy poketran’ilay vehivavy nisy namono. Hasarotam-piaro no antony namonoany azy.
Tsiferana R.
French