Mpandeha sivy voamarina fa namoy ny ainy, omaly, vokatry ny lozam-pifamoivoizana nahatsiravina tao Betroka. Nitondra mpandeha avy any Amboasary Atsimo nikasa hihazo an’Ilakaka io karandalana mpitatitr’olona io. Nentin’ny ranotrambo tampoka ny fiara teo amin’ny tetezana ao anatin’ny tanàn’i Betroka, tamin’ny 5 ora hariva, ny 28 novambra teo. Nivadika ny fiara ka dibo-drano. Nikoropaka nanavotra ireo mpandeha rehetra niharan’ny voina ny mpitandro filaminana sy ny tomponandraikitra rehetra mahefa ao an-toerana. Olona fito namoy ny ainy, ny alin’io alakamisy io. Nitohy nandritra ny alina sy maraina ny fikarohana ireo tsy hita popoka. Vokany, tafakatra 9 ireo maty, ho an’ny omaly. Olona roa hafa kosa mbola karohina. Vehivavy ny enina tamin’ireo maty.
Tsiferana R.
French