Nifamonjen’ny sampana mpamonjy voina, avotra soa aman-tsara, ny renim-pianakaviana iray latsaka tao an-davapiringa an-dalam-panamboarana tao Ankadikely Ilafy, omaly. Nivoaka ny trano niaraka amin’ny zanany io ramatoa io. Tsy nisy fefy, izay amoron-dalana. Varimbariana rahateo ilay ramatoa ka tsy nahatsikaritra. Nisolafaka tampoka tany amin’ ny faritra izy kinanjo nilatsaka tampoka. Nihikiaka, niantso vonjy sy nitaraina tamin’ny manodidina izy. Nalaky tonga ny mponina ary niantso avy hatrany ny sampana mpamonjy voina. Minitra vitsy, tonga teny an-toerana ireto farany. Nakarina tao anatin’ny lavaka ilay niharam-boina. Voadona ny tongony sy ny faritry ny lamosiny saingy tsy nisy natahorana ny ainy. Nentina nihazo ny toeram-pitsaboana izy. Mila mailo sy malina hatrany ny tsirairay isorohana ny loza tahaka ity tranga niseho tetsy Ankadikely, omaly, ity.
Tsiferana R.
French