Namoizan’aina olona indray teny amin’ny lalam-pirenena faharoa, teo ao amin’ny PK 79 +200, tao Ampoarana, fokontany Ambodimanga, kaominina Sabotsy Anjiro, distrikan’i Moramanga, ny alahady 19 janoary tolakandro teo. Niainga avy any Moramanga, nikasa hihazo an’Antananarivo Renivohitra, ny fiara tsy mataho-dalana iray marika Galloper. Nandalo fiolanana, nandeha mafy ny fiara ka tsy voafehin’ny mpamily intsony. Nifatratra tany anaty hady izay efa nivoaka lavitry ny tanàna ny fiara, tamin’ny 2 ora. Naratra mafy vokatr’izany ny mpamily io fiara io. Nifamonjen’ireo nanatri-maso, nentina nihazo ny toeram-pitsaboana izy rehefa nosokirina tao anatin’ny fiara. Tsy tana intsony ny ainy rehefa tonga teny amin’ny CSBII Ambodinifody. Nampandrenesina ny fianakavian’ny niharan-doza.
Matetika hitrangana lozam-pifamoivoizana eo amin’io fiolanana io, araka ny fanazavan’ny eo anivon’ny mpitandro filaminana miasa ao an-toerana. Fandehanana mafy sy tsy fitandremana hatrany anefa no fositra mahatonga ny loza. Ho an’ilay fiara tsy mataho-dalana, potika tanteraka ny vatany.
Tsiferana R.
French