Tokantrano iray tany amin’ny fokontany Vinanitelo Centre, kaominina ambanivohitra Vinanitelo, distrikan’i Vohibato no nilatsahan’ny varatra, afakomaly tokony ho tamin’ny 7 ora sasany alina. Olona dimy maty vokatr’izany, roa hafa manaraka fitsaboana eny anivon’ny hopitaly any an-toerana, raha ny tatitra voaray avy amin’ny Compagnie de Brigade avy any Alakamisy Itenina. Nisy fandraisana ny sakramentan’ny Batemy tao anivon’io tokantrano io, niara-nifety noho izany ireo fianakaviana. Nirefotra tampoka anefa ny varatra nandritra ny fiarahan’izy ireo nifety ka nahafaty ireo olona dimy sy naharatrana olona roa hafa tao an-trano, raha ny fanazavana voaray hatrany.
Naharay antso avy amin’ny zandarimaria miasa any amin’ny kaominina ambanivohitra Vinanitelo ny borigady avy any Alakamisy Itenina tamin’io ora nitrangan’ny loza io. Nidina nijery ny zava-misy avy hatrany ireo mpitandro filaminana niaraka tamin’ny tomponandraikitra sy ny mpitsabo. Nandray an-tanana ny tohin’ny fanadihadiana mahakasika ny raharaha ny avy amin’ny Compagnie de Brigade avy any Alakamisy Itenina. Andrasana ny tohin’ny raharaha.
Mino
French