Nambaran’ny Federasionina malagasin’ny handball, tao amin’ny tambajotran-tseraserany, omaly, fa hahemotra amin’ ny fialantsasatra lehibe ny fifaninanam-pirenena ho an’ny sokajy zandriny. Tsy nanambara ny anton’ity fanemorana ity izy ireo. Raha tsiahivina, tokony hotanterahina ny 17 ka hatramin’ny 27 avrily ho avy izao izany ary ny ligin’i Bongolava no voatondro hampiantrano azy. Andrasana, araka izany, ny daty hanatontosana indray ity fiadiana ny ho tompondakan’i Madagasikara ho an’ireo kilonga madinika ity, Araka ny angom-baovao, mety tsy hiova ny toerana hanatontosana ny fihaonana.
Tsiahivina fa ankoatra izay, handray ny fiadiana ny « IHF Trophy » sokajy U18 cadette sy U20 junior tovovavy, faritra fahafito, ihany koa i Madagasikara. Raha tsy misy ny fiovana, hatao ao amin’ny Lapan’ny fanatanjahantena Mahamasina izany, ny 27 ka hatramin’ny 31 mey 2025. Efa ao anatin’ny fanomanana izany ny Federasionina malagasy amin’izao fotoana izao ka efa nampivondrona ireo mpilalao handrafitra ny Akio de Madagascar.
Tompondaka
French