Tonga ao an-tampon-tanànan’i Taolagnaro ny fandrarahana godirao ny RN-13, miainga avy any Ambovombe. Tetezam-by vitsivitsy sisa no hasiam-panamboarana ato anatin’ny 3 volana, vinavinaina ho vita tanteraka amin’ny faramparan’ny volana oktobra, ka ao anatin’izany ny tetezana Ranopiso, maherin’ny 100 metatra.
Manana tanjaka 1 MW ny tobim-pamokarana herinaratra mandeha amin’ny herin’ny masoandro, any Mananara Avaratra. Mahatratra 741 kWh ny tanjaky ny bateria mampihodina azy. Distrika roa no mandrafitra ny faritra Ambatosoa (Maroantsetra sy Mananara Avaratra), ka renivohitra i Maroantsetra, misy ny biraon’ny prefektiora.
Misokatra ny fifaninanana hidirana ao amin’ny Foibe fiofanana ara-pambolena (Cafpa), miisa 9. Natao ho an’ny tanora 18 hatramin’ny 23 taona. Mandritra ny 2 taona ny fiofanana ho an’ny famokarana sy ny fanodinam-bokatra. Hatao ny 20 aogositra ny fifaninanana. Azo atao ny manatona ny biraon’ny Drae, ny Cirae, Cafpa, Efta.
Novolavolaina ny Paikady nasionaly momba ny famatsiambola ho an’ny toetr’andro. Manatanteraka azy ny minisiteran’ny Tontolo iainana (Medd) sy ny FMI, ny Unicef, ny Banky iraisam-pirenena, ary ny Foibe maneran-tany hiatrehana ny fiovan’ny toetr’andro. Tanjona ny hanatsarana ny fitantanana ny loharanom-bola, toy ny tsena karbôna, ohatra.
French