Atao ny fanadihadiana hanarenana ny tetezana Efasy sy Mahavavy, any amin’ny lalam-pirenena faha-6, iarahana amin’ny tetikasa PCMCI, tohanan’ny Banky iraisam-pirenena. Manomboka ny fanomanana ny fametrahana ny fototry ny tetezamby vonjimaika ny eo amin’ny reniranon’i Mahavavy. Tsiahivina, fa simban’ny rivodoza farany teo ireo tetezana roa ireo.
Manohana ny fanaovana asa tanana ho an’ ny vehivavy ny orinasa Axelle Madagasikara, indrindra ny renim-pianakaviana 18-35 taona. Anisan’ izany ny fanjairana, ny fanaovana petakofehy, ny « crochet », ny « dentelle », sns. Raisin’ny orinasa hiasa mivantana ao aminy ny 90% amin’ireo nahavita fiofanana.
Miisa 27 mianadahy ny Kaomity mpanara-maso (CCS) ny harena voajanahary, any amin’ny Faritra arovana an-dranomasina (AMP) Ankivonjy, Bemanevika, Ambanja nahazo fiofanana. Nanome tantsoroka azy ireo ny ONG WCS, miara-miombon’antoka amin’ny fari-piadidian’ny Jono sy ny toekarena manga Ambanja.
French