Anisan’ny olona marefo sy mila fiarovana manokana amin’ny valanaretina Mpox ny voafonja. Nidina ifotony nanao fanentanana ny mpiasan’ny fahasalamana eo anivon’ny DRSP Anôsy, tamin’ity herinandro ity. Nitondra teny fankaherezana sy torolalana momba ny fomba fiarovan-tena amin’ny nendran-drajako ho an’ny voafonja izy ireo, hahafahana mandray an-tanana ny fahasalaman’izy ireo. Ho an’ny fianakaviana kosa, nampitaina tamin’ireo mpitsidika ny hafatra satria izy ireo no andry mpanohana lehibe amin’ny fifampiarovana.
Fampitandremana mavo mahakasika ny renirano Ikopa sy ireo sampan’i Sisaony ary Imamba ho an’ny kaominina Tsiafahy, Androhibe, Antsahadinta, Bongatsara, Antanetikely Ambohijoky, Alatsinainy Ambazaha, Ampitatafika, Ambavahaditokana, Fenoarivo, Itaosy, Ambohitrimanjaka, Fiadanana, Ampangabe, Masindray, Ambohimanambola, Ambohijanaka, Alasora, Ankaraobato, Tanjombato, Soavina, Anosizato Andrefana, Andranonahoatra, Bemasoandro, Ankadimanga, Antananarivo IV, Iarinarivo, Sabotsy Namehana, Ankadikely Ilafy, Ambohibao Antehiroka, Talatamaty. 4,02m ny haavon’Ikopa eo Bevomanga, raha 4,50 m ny fampitandremana mena.
Tanterahana ao Paris ny atrikasa hanamafisana ny fiantraikan’ny fanofanana arakasa miompana amin’ny sehatry ny niomerika. Anisan’ireo firenena afrikanina miteny frantsay miisa 10 miatrika izany i Madagasikara, amin’ny alalan’ny minisiteran’ny Fampianarana teknika sy ny fanofanana arakasa sy ny minisiteran’ny Tanora sy ny fanatanjahantena. Mandritra izany no nikarohana vahaolana hanamafisana ny fiantraikan’ ny fandaharanasa fanofanana D-Clic, hanatsarana ihany koa ny fahafahan’ny tanora mpianatra miasa avy hatrany.
French