Mampitandrina ny Météo Madagascar fa noho ny fandalovan’ny rivodoza Gezani dia tombanana mbola hahazo rotsakorana avokoa ireo toerana efa nolalovany sy mbola handalovany. Ato anatin’ny 24 ora ho avy, araka ny tombana natao dia vinavinaina ho betsaka kokoa ny rano amin’ireo sahandriaka ao anatin’ny faritra Analanjirofo, Atsinanana, Alaotra Mangoro, Boeny, Betsiboka, Melaky ary Menabe.
Manan-kery ny fampitandremana miloko mena amin’ ny mety ho fiakaran’ny rano ho an’ireo mponina manamorona ny reniranon’i Betsiboka, Mahavavy Sud, Onibe, Maningory, Ivondro, Rianila, Tsiribihina, Manambaho, Ranobe, Manambolo, Sambao, Soahanina. Ho an’Antananarivo, fampitandremana mavo ho an’ireo manodidina ny renirano Ikopa sy ireo sampan’i Sisaony ary Mamba. Voakasikin’ izany ny kaominina Antananarivo Renivohitra, i Tsiafahy, Androhibe, Antsahadinta, Bongatsara, Antanetikely Ambohijoky, Alatsinainy Ambazaha, Ampahitrosy, Soalandy, Ankadivoribe, Ampanefy, Soavina, Anosizato Andrefana, Ampitatafika, Ambavahaditokana, Fenoarivo. Eo koa ny manodidina an’Ambohitrimanjaka, Fiadanana, Ampangabe, Masindray, Ambohimanambola, Ambohijanaka, Alasora, Ankaraobato, Tanjombato, Soavina, Anosizato Andrefana. Miampy ny kaominina Itaosy, Andranonahoatra, Bemasoandro, Ankadimanga, Ambohitrimanjaka, Ampangabe, Iarinarivo, Sabotsy Namehana, Ankadikely Ilafy, Ambohibao, Antehiroka ary Talatamaty.
Tatiana A
French