Napetraka omaly teny Ambohijanamasoandro ilay vata mpanova herinaratra, manana tanjaka 160 KVA. Nametraka izany avy hatrany ireo teknisianina mba hamerenana ny famatsiana eny amin’ny faritra Ampitatafika, Faliarivo, Ambohimamory, Ambohijanamasoandro ary Vinany. Tsiahivina fa may ny vata mpanova herinaratra ka nampiato ny famatsiana herinaratra teny an-toerana.
Hotanterahina ny 11-15 mey any Maldives ny fivoriana faha-30 ny CTOI. Hijoro ho an’ny fitantanana maharitra ny jono Lamatra sy ny toekarena i Madagasikara. Mikahondoha mandinika ireo tolo-dalàna rehetra voaray avy amin’ireo firenena eo anivon’ny CTOI ireo teknisianina eo anivon’ny minisiteran’ny Jono sy ny Toekarena Manga. Miady hevitra miaraka amin’izy ireo ny mpanjono sy ireo mpiara-miombon’antoka. Tanjona ny hahazoana tolo-dalàna iraisana ho an’ireo delegasionina malagasy.
Vokatra voahodina mba hiteraka sanda fanampiny. Izay ny fanamby apetraka amin’ireo mpandraharaha te hisitraka ny tombontsoan’ny ZLECAF. Niara-nijery ireo vahaolana sy ny fomba hanamorana ny fahafaha-mifaninana ao anatin’ny faritra malalaka arabarotry ny kaontinanta Afrikanina ity ny fanjakana sy ny mpandraharaha, nandritra ny roa andro
French