Tetikasa iray ahitana fandaharanasa 12, anisan’ny novolavolain’ny minisitera sy rafitra tomponandraikitra samihafa, toy ny minisiteran’ny Tontolo iainana sy ny Croix rouge Malagasy ny Miatrika. Drafitra nasionaly natao hiatrehina ny fiovan’ny toetr’andro.
Ho hatsaraina sy hamafisina ireo fandraisan’andraikitra efa nisy niatrehina ny loza sy ny tandindon-doza hatramin’izay. Eo koa ny fampiharana eny ifotony, indrindra ny lafiny fandrindrana ny fandraisana andraikitr’ireo mpisehatra isan-tsokajiny. Handray anjara goavana amin’izany, miaraka amin’ny Croix rouge Malagasy, ny BNGRC sy ny minisiteran’ny Tontolo iainana.
Faritra sy mponina maro no misedra olana sy mitondra takaitra vokatry ny fiovan’ny toetr’andro. Eo ny tondradrano, ny haintany sy ny rivodoza isan-taona. Mihamafy izany tato anatin’ny 15 taona farany ary mbola ho mafy, hoy ny fanazavan’ny teknisianina mpisehatra amin’izany ka maika ny fanamafisana ny fahafaha-miatrika. Hiatrehina izany indrindra ny tetikasa Miatrika.
Tatiana A
French