Naneho ny heviny, manoloana ny raharaham-pirenena ny mpitantana teo aloha tao amin’ny kaominina Toamasina, i Gerard Claude Patrick na i Patou. Nohitsiny fa tsy mirindra ny fitantanana ny firenena. Ny tenany rahateo mpandala ny rafitra federalisma. “Tsy misy fampandrosoana mipaka amin’ ny vahoaka izany eto raha mbola mahazo vahana ny rafitra mampivangongo ny vola sy ny fahefana eo anivon’ny fitondrana foibe”, hoy izy, ny herinandro teo, tao Toamasina. Nanteriny fa sisan’ampango no tonga eny anivon’ny faritra. Tsy mba misitraka izany ireo tsy mpiara-dia amin’ny fitondrana, araka ny nambarany hatrany. Fikirin’ny fiadidiana ny Repoblika ny ampahany betsaka amin’ny teti-bolam-panjakana ka maina sy kofona tanteraka ny any amin’ny faritra. “Misedra olana hatramin’ny vahoaka. Ovao ny rafi-pitantana mba tena hisian’ny fampandrosoana mivaingana. Efa fadiranovana sy latsaka anaty fahantrana tanteraka isika. Tsy olona no olana eto fa ny rafitra”, hoy izy.
Tsiahivina fa efa nisahana andraikitra maro teo anivon’ny kaominina izy, fony naha ben’ny Tanàna ny Dr Rakotomanana Gervais.
Sajo
French