Afa-po tamin’ny vokatra hita nandritra ny “Festival des livres romantiques” andiany voalohany, natao nandrindra ny telo herinandro, teny amin’ny Alliance Française d’Antananarivo na AFT Andavamamba, ny mpikarakara. Fivarotana sy fifanakalozana boky, fampisehoana talenta momba ny fandravahana, fifaninanana teo amin’ny sehatry ny literatiora. Ireo no nandravahana ity hetsika lehibe ity. Nahazo tombony manokana ny mpankafy ny famakiana boky tamin’ity. Nanambra ny mpikarakara fa mbola hisy ny andiany faharoa ary hihamatihanina kokoa izany.
Ny tanora, indrindra ny mpankafy tantaram-pitiavana no tena nanamaro isa ny mpitsidika ny AFT Andavamamba nandritra ny fotoana nanaovana ny “Festival des livres romantiques”. Tanjona napetraka tamin’ny fikarakarana izao hetsika izao ny hampitana fampianarana sy fanabeazana ny tanora miainga amin’ny zavatra tiany sy ilainy.
Lin (Mpianatra asa)
French