Mifamontoana amin’ireo mpitia ny fomba fihirany sy ny fahaizany manafana sehatra indray ry JôBee, ny zoma 24 febroary izao, manomboka amin’ny 7 ora hariva, etsy amin’ny Le Zoma Faravohitra. Mpanakanto efa tsy zoviana amin’ny maro intsony ireto andriambavilanitra ireto, indrindra fa any Toamasina sy ny faritra atsinanan’ny Nosy. Misehatra amina karazana mozika maro samihafa izy ireo. Anisan’ny nahafantarana azy ireo ny fanaovana “cover”, famelomana hira avy eto an-toerana sy any ivelany.
“Vonona hanome ny tsara indrindra izahay amin’ity fotoana ity… Tsy ho latsa-danja amin’ny hetsika efa nahafantaran’ny maro anay rahateo izy ity…” raha ny nambaran’ny mpikambana ao amin’ny tarika. « Fotoana hihaonan’ny tarika JôBee amin’ny mpankafy azy ny etsy amin’ny Le Zoma Antaninandro, Faravohitra ka antenaina hafana ny fiarahana », hoy ry zareo mpanatrika ny lanonana faran’ny herinandro. Isaky ny zoma, rahateo, mampihaona ny mpankafy azy amin’ny mpanakanto tiany hatrany ity ivontoerana ity.
“Manome vahana hatrany ny mpanakanto izahay hanehoan’izy ireo ny maha izy azy… Eo ihany koa ny fanomezana fahafinaretana ny olona amin’ny fanalana ny vesatry ny rotorotom-piainana”, hoy ny tomponandraikitry ny toerana.
Nanangona : HaRy Razafindrakoto
French