Miharatsy ny vokatra azon’ ny Paris Saint Germain Fc, klioba Frantsay. Mitetika ny hanala an’i Christophe Galtier, Frantsay mpanazatra PSG ary hamerina an’i Thomas Tuchel, Alemà mpanazatra ity klioba frantsay ity. Raha ny vaovao hita tao anaty tambajotra – tserasera omaly, nametraka fepetra roa i Tuchel vao hiverina. Anisan’ izany ny fahazon-dalana hibaiko ireo mpilalao kalaza toa-ndry Messi sy Mbappé ary Neymar.
Ary mangataka ny tsy hiandraikitra amin’ny resaka fividianana mpilalao i Tuchel. Tsiahivina fa maro ny faharesena azon’ny PSG hatramin’izao, anisan’izany ny faharesena tamin’ny isa 1 no ho 0 nanoloana ny Bayern Munchen tao amin’ny kianjan’ny Parc de Prince. Mpanazatra efa manana traikefa maro i Thomas Tuchel. Tao amin’ilay klioba Alemà Borussia Dortmund tena nahafantarana azy.
Nitondra ny PSG nandritra ny roa taona ity mpanazatra Alemà ity, ny 2018 hatramin’ny 2020. Namonjy an’ilay klioba Anglisy, Chelsea ny tenany ary nandrombaka ny “Ligue des Champions” (LDC) ny taona 2021.
Tsy mbola afa-po amin’i Christophe Galtier ny talean’ny PSG na efa nandresy tamin’ny isa 4 no ho 3 an’ny Losc Lille ary ny alahady lasa teo.
Fitia (Mpianatra asa)
French