Tonga nitsidika ny Campus an’ny oniversiten’i Barikadimy, ao Toamasina, ny delegasionin’ny Banky iraisam- pirenena, ny faran’ny volana septambra teo. Notarihan’i Fily Sissouko, talen’ny diviziona misahana an’i Mozambika, Madagasikara, Maorisy, Kaomoro ary Seychelles. Ny filohan’ny oniversiten’i Toamasina, Diny Razanakolona, kosa no nitarika ny delegasionin’ny olom-panjakana teto Toamasina.
Miisa 123 ireo fotodrafitrasa nopotehin’ny rivodoza Gezani. Efa vita avokoa ny 79 raha mbola anatin’ny fanohizana sy famaranana ny 44. Vita ary nasiam-panamboarana avokoa ny lalana ifamezivezena anatin’ny campus, natao beton sy pavé. Ireo zava-bita ireo no handrefesana ny 64% ny fahavitan’ny fanarenana.
Nanambara ny solontenan’ny Banky iraisam-pirenena fa tsy hijanona eo ny asa fa hitohy amin’ny fanohanana ny fampianarana sy fampiofanana mba hifanaraka amin’ny filan’ny faritra ka tsy hanahirana amin’ny fitadiavana asa. Mba ho oniversiten’i Toamasina maoderina maha te honina.
Sajo
French