Hiatrika ny fiadiana ny ho Tompondaka maneran-tany amin’ny taranja karate, ny 14 -18 oktobra ho avy izao, any Pologne, sokajy lahy sy vavy, ireo Malagasy mpikatroka efatra mianadahy, i Ornella Iriantsoa, Ayrton, Tiary, ary Mathieu. Efa nanainga omaly, hihazo an’i Pologne ny delegasionina malagasy.
Nilaza ireo atleta malagasy fa efa aman-taonany maro izy ireo no nanomana izao fifanintsanana iraisam-pirenena izao ary hiezaka ny hanao ny tsara indrindra avy aminy ny mpilalao, ary hitondra medaly amin’io fifanintsanana io. Tsara ny mampatsiahy fa noraisin’ ny fanjakana an-tanana ny fandehanan’ireo mpikatroka amin’ity fifaninanana ity taorian’ny antso izay nataon’ireo ray aman-dreny, efa ho tapa-bolana lasa izay.
Efa natolotra teo Ankorondrano omaly, ny tapakila sy ny vatsin-dalana entin’izy ireo miatrika izany fifaninanana izany. Marihina fa ireo Malagasy efatra mianadahy ireo, nahazo vokatra tsara tamin’ny fiadiana ny ho tompondakan’i Afrika, izay natao tany Alzeria farany teo.
F.R
French