Afaka 10 andro, hiatrika ny fiadiana ny ho tompondaka maneran-tany “IBF Blackball 2026”, taranja Billard, ny Malagasy. Fihaonana hotanterahina ao Cape Town, Afrika Atsimo, ny 23 oktobra hatramin’ny 1 novambra ho avy izao. Mbola mitady ny hoenti-manana hiatrehana izany ireo mpilalao ka miantso fanampiana amin’ny fanjakana satria voninahi-pirenena no ho arovana. Nambaran’ireo mpilalao fa efa nametraka fangatahana ao amin’ny minisitera izy ireo, saingy tsy mbola nahazo valiny. Mandra-piandry izany, nanao hetsika fitadiavam-bola “Road to Cape Town 2026” ireo mpilalao 8 vavy. Notanterahina ny sabotsy 10 sy ny alahady 11 oktobra lasa teo izany. 100 ireo mpilalao nandray anjara, tamin’ny sokajy telo dia ny “The Crew” natao tao amin’ny Optimum Ankazomanga, ny “The Solo” ary ny “The Duo”, tao amin’ny Arena Billard Amparibe. Tanjona ny hampiray ny tontolon’ny Billard eto Madagasikara. Fotoana ihany koa hanehoana ny tontolon’ny “blackball” malagasy eo amin’ny sehatra iraisam-pirenena ny fiatrehany io IBF Blackball 2026 io.
Torcelin
Ireo mpandresy tamin’ny fifaninanana :
– The Crew: BBT miaraka amin’i Jangil Arena, Poma My Adals, Nokoloina Atmosphère, Laura
– The Solo: Jangil Arena
– The Duo: Jangil Arena sy Poma My Adlas
French