Nifanaraka omaly, ny fanjakana malagasy, amin’ny alalan’ny minisiteran’ny Toekarena sy ny vola, tamin’ny AFD (Agence française du développement) ny amin’ny fanatsarana ny fotodrafitrasa eto an-dRenivohitra. Nanome vola 10 tapitrisa euros ity farany. Ho enti-manatsara ny fiainan’ny mponina ihany koa izany, ankoatra ny fandaharanasa iray ho an’ny fivezivezena eto Antananarivo Renivohitra, sy ahafahana mitandro ireo fitaovana natao ho an’izany.
Hamafisina ny fandrindràna ny asa, hatsaraina ny lafiny teknika sy hatao izay maha ampy ireo fitaovana fampiasa ary hatevenina ny fifandraisana amin’Antananarivo Renivohitra (CUA). Hatao hita maso ny fanohanana avy amin’ ny tetikasa iarahana mamolavola sy manamboatra amin’ny mponina, ary mampisy fanajariana ao aminy.
Izany famatsiam-bola avy amin’ny AFD izany dia momba ny fiarovana ny fivezivezena. Anisan’ny asa atao ny fanitarana ny moron-dalana ahitana mpandeha an-tongotra maro, sy azo handehanan’ny bisikileta. Faharoa, fanampiana ny CUA amin’ny lafiny teknika, ary fahatelo, fanajariana madinidinika ho fampandrosoana ny manodidina, homena sahanin’ny firaisamonina sivily sy ny mponina.
Marihina fa 10 tapitrisa euros, famatsiam-bola avy amin’ny AFD, ka 8,3 tapitrisa euros natao sonia, 1,2 tapitrisa fanampiana mivantana ny Gret, ary 500 000 euros ho an’ny birao mpanao fanadihadiana.
Ndrina
French