Notanterahina tany Sion, nanomboka ny 18 novambra teo hatramin’ny omaly alahady 20 novambra, ny fiadiana ny tompondaka an’i Suisse, taranja lomano, ho an’ny dobo filomanosana 25 metatra. Mpilomano malagasy iray, i Nomena Jauslin ny nandray anjara nandritra izany, izay fandraisana anjara voalohany ho azy ity fifaninanana ity. Teo amin’ny 50 m Dos sy 50 m PAP no nifaninanany, ny zoma 18 novambra sy omaly 20 novambra. 456 ny mpilomano nifaninana avy amin’ny klioba 55, ka Anisan’ny nampiseho ny fahaizany i Nomena. Raha ny vokatra azony, laharana faha-40 amin’ny mpilomano 60 i Nomena, two amin’ny 50 m Dos, fe-potoana 31″95 ny nahavitany izany. Faha-54 amin’ny mpilomano 77 kosa izy teo amin’ny fifaninanana 50 m PAP. 30″64 ny fe-potoana nahavitany izany raha toa ka 30″74 ny minima.
Tsiahivina, mpilalao ao amin’ny Tanà Swimmers CN i Nomena, izay vao 16 taona monja. Tsy vao izao izy no nandray anjara tamin’ny fifaninanana iraisam-pirenena fa efa maromaro ihany no natrehiny toy ny “Fish Challenge 2022” tany Nauchatel, ny 5 sy 6 novambra lasa teo. Nahazo “nouveau record” izy tamin’izany ka vitany tao anatin’ny fe-potoana 28″40 ny 50 m NL, raha toa 28″46 no nahavitan’i Tojohanitra izany, ny taona 2006.
Mi. Raz
French