Fiatrehana ny fifidianana: nahazo fitaovana ahafahana mifidy ireo jamba

Hetsika ho amin’ny fifidianana mampiaty. Nanolotra fitaovana ahafahan’ny olona jamba mifidy ny eo anivon’ny Ceni. Nandray fanapahan-kevitra araka ny nahim-pony ity rafitra misahana ny fikarakarana ny fifidianana ity ka nanolotra “Carton à braille” miisa 3 000, natonta ho amin’ny fihodinana voalohany amin’ny fifidianana filoham-pirenena.
Atsofoka ao anatin’io fitaovana io ny bileta tokana ary afaka mamantatra ny laharan’ny kandidà tiany ny olona manana olana amin’ny fahitana.
Na izany aza, mbola voafetra ho eny amin’ny ivontoeram-pifidianana amin’ny renivohi-paritra aloha no voakasik’izao tetikasa izao.
Niara-niasa amin’ny fanatontosana izany ny eo anivon’ny Ceni sy ny Federasionan’ ny fikambanan’ny olona jam­ba. Nialohavan’ny fandraisan’ny filohan’ny Ceni, Andriana­risedo Dama Arsène, teny Alarobia, ity federasionina ity izany.
Niompana amin’ny zon’ny jamba amin’ny fifidianana sy ny tsiambaratelon’ny latsabato ary ny fampiasana ity fitaovana manokana “Carton à brail­le”, ahitana ny laharan’ny kandidà amin’ny soratra mivoitra ity ny fihaonana.

Synèse R.