Nifarana ny sabotsy teo ny fihaonambe nasionalin’ny mpandraharaha (forum des entrepreneurs), andiany faha-5, nokarakarain’ny fikambanana Club des Entrepreneurs eo anivon’ny Madagascar Entreprises Développement Aina. Hetsika nahafahan’ireo mpandraharaha madinika sy salantsalany mifampizara traikefa, mifanakalo hevitra manoloana ny fiakaran’ny vidim-piainana izay miantraika betsaka amin’ny toekarena sy ny fandraharahana. Nisy ny varotra sy fampirantiam-bokatra nandritra ny roa andro nanaovana ny hetsika. Teo ihany koa ny famelabelaran-kevitra narahina adihevitra niarahan’ireo mpandraharaha isan-karazany. Fifanakalozan-kevitra sy fifampizarana eo amin’ny roa tonta amin’ny fanatsarana sy fandraharahana. Voaresaka nandritra ireo fotoana ireo ny tolo-kevitra naroson’ireo zoky mpandraharaha hanatsarana ny famokarana anatiny sy ny fanjifana. Hetsika nanomezana tohana sy tantsoroka. Fantatra fa maro ireo orinasa vao misandratra no maty roa taona aorian’ny nijoroany noho ny tsy fananana traikefa manoloana ny zava-mitranga. Mano-didina ny 20% eo sisa ny manohy ny fihariany. Manampy trotraka ihany koa ny fiakaran’ny vidim-piainana eto amintsika.
Henintsoa H.
French