Mitohy hatrany ny fampandrosoana sy fampiroboroboana ny famokarana, hanatrarana ny fahavitan-tena ara-tsakafo. Mpamboly maro avy
amin’ny faritra samihafa manerana ny Nosy no nisitraka masomboly entina hampiroboroboana ny seha-pihariany, ny herinandro teo. Tantsaha 165 avy ao amin’ny faritra Sofia no nomena masomboly vary an-drano milanja 1 980 kg sy zezika NPK milanja 3 300 kg ary zezika biolojika 16 500kg. Nisitraka masomboly vary an-tanety milanja 2 916kg, zezika NPK 3 4380kg ary zezika biolojika 17 400kg kosa ny mpamboly 232 avy ao amin’ny faritra Matsiatra Ambony mivondrona amina kaominina telo ao amin’ny distrikan’i Vohibato. Tantsaha miisa 250 avy ao amin’ny distrikan’i Moramanga sy Anosibe an’Ala, faritra Alaotra Mangoro, nomena masomboly vary 3 752kg, zezika NPK 6 250kg ary zezika biolojika milanja 31 250kg. Nahazo ny anjarany ihany koa ny tantsaha 208 avy ao amin’ny distrika fahenina, ny faritra Analamanga. Nisitraka masombolina vary 1 872kg, zezika NPK 3 120kg ary zezika biolojika 15 600kg.
Nanatontosa : Henintsoa Hani
French