Fiara tsy mataho-dalana nivadika anaty tanimbary, tetsy Ampitatafika, afakomaly atoandro. Zazakely iray voalaza fa naratra mafy ka voatery naiditra hopitaly niaraka amin’ireo olon-dehibe sasantsasany tao anaty fiara. Fandehanana mafy no niteraka ny loza.
Mpisoloky telo vavy voasambotry ny zandary tetsy Ambohimangakely, ny zoma 15 desambra teo. Mody mivarotra tany amin’ireo olona mila izany izy ireto. Alainy ny vola kinanjo rehefa tena alalinin’ny mpividy ny taratasy rehetra dia tsy misy tomombana. Efa lasibatr’izy ireo ny fianakaviany akaiky.
Lehilahy iray nahatrarana rongony milanja 20 kg tao Tsaratanana, fokontany Tsarazaza, kaominina Nosibe Trimoloharano, distrika Andramasina, ny zoma 15 desambra. Nahasarona mpidoroka iray ny zandary ka nitoroka io mpamongady io rehefa natao ny fanadihadiana.
Maty novonoin-dralehilahy ny zanany 5 taona tao Vinanintelo Manakara, ny faran’ny herinandro teo. Nitrangana disadisa teo amin’io lehilahy io sy ny vadiny. Nisintaka anefa ilay ramatoa ka tavela tao an-trano izy mianaka. Namonjy ny reniny io zaza io ny ampitso. Nalain’ny rainy ilay zaza ka nokapainy famaky ny lohany. Nananton-tena koa ilay rangahy taorian’izay.
French