Toy ny isaky ny efa-taona, miavaka ny 2024. Taona “bissextile” no fiantso azy. 366 ny andro mandritra ny taona satria misy ny 29 febroary. 12 ny isan’ny andro tsy iasana ho an’ny taona 2024, araka ny alimanaka nivoaka. Tafiditra ao anatiny ny zoma 8 marsa hanamarihina ny Andro momba ny zon’ny vehivavy. Milatsaka zoma ihany koa ny 29 marsa, 31 marsa ny paka, 1 avrily ny alatsinain’ny paka tsy iasana. Iray volana aty aoriana indray vao misy fitsaharana mandritra ny fankalazana ny fetin’ny asa ny alarobia 1 mey. Valo andro aorian’io ny Andro fiakarana, ny alakamisy 9 mey. Ny 19 mey ny pantekoty ary 20 mey ny alatsinain’ny pantekoty. Alarobia ny fanamarihana ny fety niverenan’ny fahaleovantena, ny 26 jona. Alakamisy ny 15 aogositra niakaran’i Maria any an-danitra.
Ny 1 novambra, andro zoma, fahatsiarovana ny fetin’ny olomasina. Ny alarobia 25 desambra, fankalazana ny andron’ ny Noely.
Vonjy
French