Hikarakara fifaninanana Futsal etsy amin’ny Gymnase Couvert Mahamasina, ny Madagascar Futsal Association (FMA). Hotontosaina manomboka ny 24 febroary ary hifarana ny 17 marsa ho avy izao izany, araka ny filazan’ny mpikarakara. Marihina fa ekipa 20 no hifanintsana amin’ny sokajy lehilahy raha toa ka 12 ny an’ny vehivavy.
Hotanterahina eto Antananarivo, manomboka ny 16 hatramin’ny 18 febroary ho avy izao, ny fifaninanam-paritra “De la Rue vers l’Or”, taranja basikety, sokajy vehivavy U23. Marihina fa notontosaina ny faran’ ny herinandro teo, tany Morondava, ny lalao fifanintsanana ho an’izay ho solontenan’i Menabe.
Mitarika eo amin’ny laharana voalohany amin’ ny fiadiana ny amboaran’i Allemagne “Bundes Liga” ny Bayern Leverkusen amin’izao fotoana izao. Lavon’izy ireo tamin’ny isa 3 no ho 2 ny Leipzig, ny sabotsy lasa teo. Ity ekipa izay tarihan’i Xabi Alonso, mpanazatran’ ny Leverkusen ity, tsy mbola resy mihitsy nandritra ny lalao 27 nifanesy nataony.
French