Lahiantitra 62 taona voasambotry ny polisim-pirenena tao amin’ny fokontany Ankiririky Avaratra, distrikan’Antsohihy, afakomaly. Nanolana zazavavy vao 15 taona monja io tsivalahara io. Nentiny tao an-trano ilay ankizivavy ka nokasainy hanamparana ny filan-dratsiny. Niverina tampoka anefa ramatoa vadin’io lehilahy io ka tratra ny fikasan-dratsiny. Nosamborin’ny fokonolona ilay lahiantitra ary natolotra ny mpitandro filaminana. Ankoatra azy, lehilahy iray hafa, 40 taona, koa notanan’ny polisy tao amin’ny fokontany Sahavoay, distrikan’i Mandritsara, ny zoma 2 febroary teo. Nanolan-jaza vao 11 taona izy. Nidiran’io tsy mataho-tody io ny trano nisy ilay zazavavy tamin’ny fotoana tsy nisian’ny ray aman-dreny. Raha tsiahivina, hihatra tsy ho ela ny fampiharana lalàna amin’ny famotsirana ireo mpanolana tahaka azy roa lahy ireto taorian’ny fahalanian’izany teny anivon’ny Antenimierampirenena, ny faran’ny herinandro teo.
Tsiferana R.
French