Naiditra vonjimaika eny Tsiafahy, afakomaly, ireo telo lahy nanolan-jaza teny Anjanahary. Mpianatra avokoa izy telo mirahalahy ireo. Ankizivavy 16 taona io lasibatry ny filan-dratsin’izy ireo io. Nifankafantatra tamin’ny alalan’ny tambajotran-tserasera ny mpanolana sy ny voaolana. Raikitra ny fihaonana voalohany, teny Andravoahangy. Nentin’ilay tovolahy nihazo ny tranony teny Anjanahary ilay ankizivavy tsy ampy taona.
Naolan’izy telo lahy anefa izy. Nanamparan’izy ireo ny filan-dratsiny. Nataon’ny fianakaviany fizahana teny anivon’ny mpitsabo ilay tovovavy. Voamarina fa bevohoka vokatr’io fanolanana nihatra taminy io. Nosamborina avokoa ireo telo lahy voatondro ho tompon’antoka tamin’ity fanolanana tambabe ity. Naiditra am-ponja eny Tsiafahy, afakomaly, izy ireo taorian’ny fampanoavana.
Marihina, telo lahy hafa, tamin’ny toerana samihafa, koa naiditra am-ponja vokatry ny fanolanan-jaza nataon’izy ireo, ny faran’ny herinandro teo.
Tsiferana R.
French