Rongony 60 fototra sy zanany anaty tavim-boninkazo no saron’ny zandary tao Befanitso, fokontany Morarivo, kaominina ambanivohitr’i Miandrarivo, Tsiroanomandidy, afakomaly. Tratra ihany koa ireo roa lahy mpiandry saha. Efa niditra am-ponja noho ny fambolena rongony ny tompon’ity sahan-drongony ity, ny marsa 2023, saingy niverina nanohy ny asa ratsiny indray rehefa tafavoaka ny fonja.
Voasambotry ny polisy tao Toamasina, afakomaly, ireo jiolahy (nahitana vehivavy iray) tompon’antoka tamina halatra miharo vaky trano. Niseho izany tao amina tokantrano iray ao Ampanalana, parcelle 14/11, ao Toamasina, tamin’io fotoana io. Lasan’ireo mpangalatra ny entana rehetra tao an-trano, niaraka tamin’ny akoho amam-borona. Efa mpamerin-keloka ilay jiolahy raha mpandray entana halatra ilay vehivavy niaraka taminy.
French