Miisa 300 ny salotra vonjy aina nozaraina tamin’ ny mpanjono, avy amin’ny fokontany efatra any Itampolo, distrika Ampanihy Andrefana, faritra Atsimo Andrefana, ny herinandro lasa teo. Avy amin’ny Fikambanana iraisam-pirenena ara-tsakafo (FAO) ireo fitaovana ireo, ary efa nisy koa kojakoja hafa efa nozaraina, toy ny harato, arotava ary tady.
Nisokatra omaly ny fiofanana momba ny fanaraha-maso ny fivezivezen’ny sambo (FSI). Fiofanana iarahan’ny minisiteran’ny Fitaterana (MTM) amin’ny alalan’ny APMF sy ny Fikambanana iraisam-pirenena misahana ny zotra an-dranomasina (OMI). Anisan’ny ifantohana ny lalàna iraisam-pirenena sy ny eto an-toerana, toy ny Solas, ny Marpol, ny Colreg ary ny STCW.
Hihaona amin’ny mpandraharaha ny Foibem-pitantanana ny hetra (DGI), rahampitso 6 marsa. Voakasik’izany ireo mpandraharaha madinika sy salantsalany, andaniny, ary ny mpitantana orinasa vaventy, ankilany. Anisan’ny horesahina ny lalàna sy ny fepetra vaovao mahakasika ny hetra, ho an’ny taona 2024.
French