Nitsidika ireo mpivarotra taozavatra malagasy, eny amin’ny vahilava Ambohitrimanjaka, ny minisitry ny Fizahantany sy ny asa tanana, Randriamandranto Joël, ny volana febroary teo. Nitafa mivantana tamin’ireo mpanao asa tanana, sady nijery ny fomba entina hampiroboroboana ity seha-pihariana ity. Anisan’ny tena nampitaraina azy ireo ny fahazoana akora fototra tsara kalitao. Eo koa ny fikarohana mpanjifa handray ny vokatra ary ny fanamorana ny fanondranana mankany ivelany.
Anisan’ny vahaolana manoloana ireo ny fampahafantarana ny mpanao taozavatra ny lalàna sy ny fitsipika mifehy ny fanondranana any ivelany. Mila aseho ampahibemaso eny an-tsena sy ny seranam-piaramanidina ihany koa ny lisitry ny vokatra azo haondrana any ivelany. Misy ny vinavinan’ny minisitera hitsidihana ireo tsena mivarotra ny akora fototra.
Nahafapo ny mpivarotra sy ny mpanao asa tanana ity fitsidihana nataon’ny minisitra Randriamandranto Joël teny Ambohitrimanjaka ity. Vonona izy ireo hitondra ny anjara birikiny hampiroboroboana ity sehatra ity.
Njaka A.
French