Mpivady niharan’ny fanendahan’ny jiolahy teny Anosizato Andrefana, afakomaly hariva. Avy niala taxi-be izy ireo no nifanehatra tamin’ny mpanendaka. Voatsatoka antsy teo amin’ny tanany ilay raim-pianakaviana raha naratra voadaroka teo amin’ny lohany kosa ny vadiny. Lasan’ireo jiolahy ny finday sy ny vola.
Tratran’ny fokonolona i Lesabotsy sy Sambadahy, jiolahy roa mpamerin-keloka, tao amin’ny fokontany Saharanana, Anivorano Atsinanana, omaly. Mbola hita teny amin’izy ireo avokoa ny entana halatra rehetra. Niaiky ny heloka vitany ry zalahy nandritra ny famotoran’ny zandary.
Nodoran’ny zandary ireo rongony valo gony sy tapany, milanja 89,500 kg, tratra tao Vangaindrano, ny 14 marsa alina teo. Zandary nanao fanamiana sivily avy nisakafo tao amin’ny bazary Ampahatelo, Vangaindrano, no nahatratra ireo olona roa nitondra ireto zava-mahadomelina ireto.
French