TSELATRA

Nidina an-dalambe naneho ny tsy fahafaliany noho ny fahatapahan-drano miseholany ny mponina teny Ankatso sy ny manodidina, omaly maraina. Naharitra antsasak’adiny mahery ny fitokonana nataon’izy ireo. Niditra an-tsehatra tamin’ny fandaminana ny raharaha ny polisim-pirenena izay nihatrana teny an-toerana.
Taolam-paty 23 gony saron’ny fokonolona tao Ampatalana-Maheriraty, Farafangana, ny alin’ny 1 avrily teo. Nataon’ireo olon-dratsy anaty gony avokoa ireo taolam-balo ireo. Ahina ho taolam-paty avy any ivelan’ny faritra ireto hita ireto.
Olona telo voasambotra nitatitra rongony tao Belo-Tsiribihina, ny faran’ny herinandro teo. Nokasaina entina hihazo an’Andimaky Manambolo ny rongony nafatratra tao anaty taksibrosy. Nogiazana ny fiara sy ny rongony.