TSELATRA

Enin-dahy nahatrarana taratasy hosoka famarotana moto nosamborin’ny zandary teny Ambo­himan­gakely, afakomaly. Mpanao taxi-moto iray lasibatry ny halatra tao Ambatomaro, ny 4 aogositra 2023. Nambanan’ny olon-dratsy sabatra izy ka tsy afa-nanda. Nampandre ny zandary izy.
Olona roa naratra, lasan’ny jiolahy ny vola 1 ta­pi­­trisa Ar tao Fiantsonana, kaominina Imerintsiatosika, afakomaly. Vatan-dehilahy 15 niditra an-keriny tao amina trano fivarotana iray tao amin’ny fokontany Soavinarivo tamin’ny 9 ora sy sasany alina.
Vehivavy iray naiditra vonjimaika any am-ponja taorian’ny fampanoavana noho ny famonoana olona tao Ambodivoanio, Hell Ville, ny faran’ny herinandro teo. Nanindrona antsy ny rafivaviny izy ka namoy ny ainy ilay lasibatra.
Mitetina 21 tapitrisa Ar ny vato “Agathe” nogiazan’ny zandary tao amin’ny Quai orange, tao Mahajanga, noho ny fitrandrahana antsokosoko nataona teratany vahiny, ny faran’ny herinandro lasa teo. Notaterina tamin’ny botry ireo vato indostrialy nilanja 15 taonina, tsy misy taratasy mazava ireto, ny 25 marsa teo.