Nidina ifotony tany amin’ny faritra Vakinankaratra, Amoron’i Mania ary Matsiatra Ambony, ny minisitry ny Tontolo iainana sy ny fampandrosoana maharitra (Medd), Max Andonirina Fontaine, ny 4-8 avrily teo. Notolorana fitaovana ny fikambanam-behivavy, miompy landibe sy mpanenona sady miaro ny ala tapia any amin’ny kaominina Ambohimanjaka, faritra Amoron’i Mania.
Notsidihiny koa ny toerana fanodinana lohamenaka ao amin’ny kaominina Androy, distrika Lalangina. Nizarana angovo mandeha amin’ny herin’ny masoandro handrahoana, fa tsy mampiasa kitay intsony, vokatry ny fiaraha-miasan’ny Pnud sy ny Medd. Miisa 100 ny tokantrano ao anaty VOI, misitraka ity fotodrafitrasa ity, izay mahavita lohamenaka 4,5l/andro, raha toa ka 3l/andro fony nampiasa kitay. Zavamaniry oliva, geranium, veromanitra, ravintsara, romarin, tagète, dingadingana no ahodina ho lohamenaka. Nomena fitaovana fandavahana ho an’ny fambolen-kazo koa ny VOI.
Miisa 9 ny moto nozaraina tamin’ny mpiasan’ny fitantanam-paritra (Dredd) avy amin’ ny tetikasa “Tefiala”.
Njaka A.
French