Mety hiakatra ny vidin’ny lavanila eto Madagasikara noho ny fiakaran’ny vidin’ny cacao. Nanimba ny 50% ny vokatra tany amin’ny faritra avaratry ny Nosy ny fandalovan’ny rivodoza farany teo, toy ny ao amin’ny faritra Sava.
Niverina amin’ny laoniny ny fifamoivoizana any amin’ny tetezana Manakolagna (RN5A), nanomboka omaly 9 avrily. Dingana manaraka hatao ny fametrahana tetezamby any Maromokotra, PK 67. Manatanteraka ny asa fanarenana rehetra ny orinasa sinoa CRBC, nanao ity lalana RN5A ity.
Handray anjara amin’ny hetsika iraisam-pirenena ho an’ny fitaterana (SITLM), hatao ny 11-14 avrily ho avy izao, eny amin’ny faritra Forello Tanjombato, ny minisiteran’ny Asa vaventy (MTP). Ho hita eny koa ireo rantsa-mangaika ao amin’ny minisitera, toy ny AR, ny FR, ny LNTPB, ny Ininfra, sns.
Manodidina ny 58 169 ha ny tanimbary potika tany avaratry ny Nosy, taorian’ny fandalovan’ny rivodoza Gamane. Mahatratra 5 768 kosa ny biby fiompy maty. Mbola tatitra vonjimaika ireto, mbola maro ireo faritra dibo-drano any an-toerana. Mahatratra 34 817 ha ny tanimbary simba ao Sava raha 14 120 ha ho an’i Diana.
French