“Olona mijoro ny hoe depiote, manam-pahendrena, manam-pahalalana, manam-pahasahiana: manaja tsara ny hafa, maneho amim-pahamarinana ny zava-drehetra. Ny antsika, lasa mpanara-drenirano, mivoaka miditra eo, mifanaratsy na manakiana fotsiny, na manaraka fotsiny ny baikon’ny antoko politika…”. Io ny fanehoan-kevitry ny mpandinika fiarahamonina, Ramamimampionona Gérard, amin’ izao fifidianana izao. Mba tsy ny antoko indray no mamatotra ny depiote. Harena lehibe ny fananana depiote maro afa-maneho hevitra hampanan-karena, fa tsy hoe hevi-tokana dia izay no tsy maintsy eken’ny rehetra. Inona izany no maha solom-bavan’ny vahoaka azy? Lasa solom-bavan’antoko izy amin’izany. Manakely sy manary hasina ny andrimpanjakana isiany izay. Aleo afa-kiteny avokoa ny depiote, fa lasa mahantra ny Antenimierampirenena raha vao fehezina: tsy heno tsara ny feon’ny vahoaka avy any ifotony, fa ny hevitry ny antoko sisa… Izay no mahatonga ny hoe manangan-tanana fotsiny sisa noho ny tahotra na tsy fahalalana, fa mandray baiko sy mahazo tombontsoa manokana.
R. Nd.
French