Karohin’ny mpitandro filaminana amin’izao fotoana ilay lehilahy nanolana ny zanany vao herintaona sy tapany tao Marofody, kaominina Ambinaninony, distrika Brickaville, ny sabotsy 8 jona teo. Nandeha nitoto vary ny renin’ilay zaza ka nanararaotra nanao ny filan-dratsiny io rain-jaza io.
Nitrangana haintrano tao Mangarano, Toamasina, omaly maraina. Tsy nahatafavoaka na inona na inona ny lasibatra. May ny entana rehetra
tao anatin’ny trano. Namono ny afo ny mpamonjy voina. Tsy voafaritra hatreto ny antony niteraka ny firehetana.
Tafaverin’ny zandary sy ny fokonolona nanara-dia ny omby roa nalain’ny dahalo tao amin’ny tanànan’i Fizehana Atsimo, kaominina Mandiavato, distrika Miarinarivo, ny faran’ny herinandro teo. Narian’ireo dahalo tao avaratra Faliarivo ireo omby.
Olona roa hifampitadiavana, rehefa rendrika tao anatin’ny botry tany amin’ny moron-dranomasina mifanandrify an’Andavadoaka, Morombe, ny alahady teo. Mpandeha roa hafa avotra soa aman-tsara.
French